महाकवि लक्ष्मीप्रसाद देवकोटाको जन्म: वि.सं. १९६६ कार्तिक २७ लक्ष्मीपूजा का दिन काठमाडौँमा भएको हो। भने उहाको मृत्यु: वि.सं. २०१६ भाद्र २९ काठमाडौँमा भएको थियो।

" 'के हो अहो ! अमृत त्यो सुरदेव पान ?’

‘सच्चा कमाइ गरिखानु भनेर जान ।’

‘खोज्छन् सबै सुख त्यो सुख त्यो कहाँ छ?

‘आफू मिटाइ अरुलाई दिनु जहाँ छ ।’

‘पाइन्न शान्ति किन हो ? कुन ठाउँ मिल्छ ?’

‘तर्किन्छ त्यो रूखमनी, जुन साथ मिल्छ ।’

‘देखिन्छ ईश कुन मन्दिरमा पसेर ?’

‘त्यो हाँस्छ शुद्ध मन आसनमा बसेर ।’

‘यस्तो रहस्यमय जीवन बुझ्नलाई,

जानू कहाँ ? पढनु के ? गुरु को बनाई ?’

‘फुल्दो (खुल्दो) गुलाबबिच ज्ञान अनेक फुल्छन्

उद्यानमा बस गई सब तत्व खुल्छन् ।’

‘कर्तव्य के छ जनको, यति छन् विरोध ?’

‘नक्षत्र हेर नभमा, दिलसाथ सोध !’

‘के हो ठुलो जगतमा ?’ ‘पसिना विवेक’

‘उद्देश्य के लिनु ?’ ‘उडि छुनु चन्द्र एक ।’ "

उहाँका केही प्रेरक भनाई हरु : 

१: मानिस ठूलो दिलले हुन्छ जातले हुँदैन ।

२: कुनैपनि मानिसको सबै आत्मा बुझाउन सक्ने विद्या अहिलेसम्म निस्केको छैन ।

३: सत्यका लागि त्याग गर्न जसले सक्दैन त्यो कदापी वीर हुन सक्दैन ।

४: खराब चिजबाट पनि असल कुरा लिन सक्नु महानता हो ।

५: चुलीलाई ताक्नु, तिर्सना राख्नु र उचाईतिर लम्कनु नै पर्वतारोही हो ।

६: दर्शन भय हो भने कविता सत्य हो ।

७: घर चिन्न घर छाडौँ तर, घर नबिर्सौँ ।

८: जीवन एक पांग्रा हो, ठीक ठाउँमा नचले बेठीक ठाउँमा चल्ने पक्का छ ।

९: मेरो दिलमा गहिरो घाउ छ, अब न त्यसको उपचार गर्ने कुनै डाक्टर छन् न मेरो कुनै भाउ छ।

१०: शहर र गाउँमा जम्मा दुईटा कुरा फरक छन्, शहरमा घरहरु नजिक हुन्छन् मन टाढा हुन्छ, गाउँमा घर टाढा हुन्छ तर मन नजिक हुन्छ ।

११: सुन भनेको हातको मैलो हो, आनन्द त त्यसमा छ जहाँ साग र सिस्नुखाँदा मिल्छ ।

१२: संसार अँध्यारो समान हो ।

१३: जीवन भनेको खाक समान छ त्यसैले यसमा घमण्ड नगर ।

१४: मृत्यु जहिल्यै तिम्रो अगाडि हुन्छ ।

१५: उदेश्य के लिनु उडी छुनु चन्द्र एक ।

© गाउँ संसार