बेलुकाको समयमा काठमाडौ तिलगंगा आसपासमा फरक दृश्य देखिन्छ! झट्ट हेर्दा लाम लस्कर लागेर खानपिन गर्दै देखेपनी त्यहाको परिवेश अल्लि फरक छ। 

हरेक दिन चन्द्र शुर्य समूहद्वारा निशुल्क खान पिन कार्यक्रम संचालन भैरहेको छ। 

कोभिड -१९ को महामारीले आर्थिक बिपन्नता गराएका मजदुर बर्ग लाई लक्षित गरेर उक्त कार्यक्रम गर्दै आईरहेको छ। 

आधारभूत आवश्यकताको क्षेत्रमा कोहि बञ्चित हुन नपरोस भन्ने विचारको साथ, यस संस्था चन्द्र सुर्य समूह ले देशको बिभिन्न ठाउँमा विभिन्न प्रकारका कार्यक्रम हरु गर्दै आएको छ। यसै सन्दर्भमा पशुपति क्षेत्रमा निशुल्क भोजन उपलब्ध गराउदै आएको हो। 

 त्यहाँ निशुल्क भोजन को निमित्त पाल्नुभएको महानुभावलाई नियाल्दा हरेक उमेरवर्ग तथा शारिरिक अशक्तता भएका व्यक्तिहरू पनि आउनुभएको पाईयो।

 संस्थाका कोषाध्यक्ष रुपिन खड्काले गाउँ सांसार सङ "हामीले यस स्थिति अध्ययन गर्दा प्राय धेरै व्यक्ति परिवार बिहिन हुनुभएको हुनाले यसै विषय र चाडपर्व को माहोल मध्यनजर गर्दै हामीले 'दशैं सबैको लागी' भन्ने सामाजिक उत्सव कार्यक्रम आयोजना गर्न लागेको छौँ। यस कार्यक्रम किन लिएर जाने भन्ने सन्दर्भमा भन्नुपर्दा दसैं आउदा एउटा उमङ्ग, हर्ष हामी नेपाली सम्पुर्ण महानुभावहरुले बाल्यकाल देखिनै अनुभुति गर्दै आएका छौँ। घरपरिवार सङ्ग बसेर दसैं मनाउनुको छुट्टै रमाईलो र महत्व हामीले बुझ्दै र अनुभव गर्दै आएका छौँ तर हामीले निशुल्क भोजन सेवा कार्यक्रम लिएर जाँदा पशुपतिमा घरपरिवार बिहिन महानुभावहरु थुप्रै भेट्योँ र उहाँको कष्टकर जिवनयापन बारे बुझेर र चाडपर्व हर्ष उमङ्गको साथमा रमाई मनाऔँ भन्ने भावना सबैसङ्ग हुन्छ भन्ने मनोभाव पारदर्शी देखिएकै कारण यस कार्यक्रम सफलताका साथ सम्पन्न गरिएका हौँ " भनेर बताउनुभयो ।

उक्त कार्यक्रम कृष्ण कंडेल ईन्द्रेणी फाउन्डेसन, K. S Helping Hand , AGO, महानगरिय प्रहरी प्रभाग द्वारा सहकार्य मा भव्यताका साथ साङ्गितिक कार्यक्रम को रमझम सहित यो कार्यक्रम सम्पन्न भएको थियो।

उपस्थित करिब ३०० जनालाई मासु खाना र दसैं उपहारमा एउटा टिसर्ट चप्पल साबुन, स्यानिटरी प्याड वितरण गरिएको थियो। 

चन्द्र शुर्य समुहले सुरुवात देखिनै हरेक दिन निशुल्क भोजन गराउदै आएपनी आजकलका दिनमा अल्लि आर्थिक रुपले गाह्रो पार्न थालेको छ। विभिन्न NGO , INGO हरुले सहकार्य गरेपनि पुर्ण रुपमा सस्था मौलाउन सकेको छैन । नेपालका सबै स्थानमा सुरुगर्ने योजना बनाएको सस्थाले राजधानी बाट सुरुवात गर्दै आएको छ।

उक्त चन्द्र शुर्य समुहका प्रमुख दिपेश धुन्जु श्रेष्ठ र 

सचिवमा प्रकाश मैनाली हुनुहुन्छ। 

यो पुण्यको कार्यमा हजुरले पनि साथ दिन चाहानुहुन्छ भने तन, मन र धनले सहयोग गर्न सक्नुहुन्छ। सहयोग का लागि स्वयम् सस्थामा सम्पर्क अथवा खाना खुवाउने स्थानमा गएरै सहयोग गर्न सक्नुहुन्छ। 

"सेवा नै धर्म "

©गाउँ संसार